السلام عليكم
أول شي بالنسبة حق الدورة مشكور على طرحك للدورة و هذي كانت ببالي و انت سبقتني، و لا تخاف راح أساعدك فيها لو تبي و لكن أقترح أن تكون مرتبة أكثر، من وجهة نظري إنك قاعد تشتت الأعضاء، يعني تشرح له عن موضوع بعدين تروح موضوع ثاني بعدين ترجع للموضوع الأول
من رأيي أن تبدأ في بلوجر و ووردبريس
ثم تركيب سيرفر شخصي على الكمبيوتر (Apache)
ثم تعلمهم كودات HTML بسيطة مع تجربتها على السيرفر الشخصي
ثم حجز مساحة مجانية و رفع الكودات و تجربتها على الموقع المجاني
بعدين تشرح شلون تركيب الووردبريس على السيرفر الشحصي
بعدين على الموقع المجاني
بعدين عاد تدخل بال HTML بشكل متقدم
بعدين تعلمهم يحجزون موقع مدفوع
عموماً آنا معاك خطوة بخطوة، لو تحب تتكلم عن درس دز لي على الخاص و قول لي بتتكلم عن شنو يمكن عندي تعديلات أو إضافات ممكن تفيد الإخوة الأعضاء
و ممكن أنزل دروس بدالك، بالنهاية انت و كيفك، آنا مستعد أساعدك
ثاني شي بالنسبة حق:
اقتباس:
المشاركة الأصلية كتبت بواسطة ahmed_eldaly
الدرس الثانى : التعامل مع متصفحات الانترنت، وكيف تبحث فى جوجل، وأساسيات لغة HTML والفرونت بيج |
الفرونت بيج قديم جداً
فيه برامج حديثة منها Dreamweaver من شركة Adobe
أو Expression Web من شركة Microsoft
أو بشوف لك برامج مجانية (اللي ذكرتهم برامج مدفوعة)
ثالث شي بالنسبة حق:
اقتباس:
المشاركة الأصلية كتبت بواسطة ahmed_eldaly
برامج هامة ستحتاجها أثناء الدورة :
برنامج notepad++ - مجانى - حمل من هنا
برنامج FileZilla - مجانى - حمل من هنا
برنامج snageit - ابحث عنه فى جوجل
برنامج AAAlogo - - ابحث عنه فى جوجل
برنامج فرونت بيج - يتم تنصيبه من نسخة الأوفيس 2003 أو أقدم |
notepad++ حلو و كذلك Netbeans
FileZilla ممتاز
Snag it ما أدري ليش تبيهم ينزلونه
AAALogo فيه له بديل مجاني و هو Gimp أو يمكنهم شراء نسخة مدفوعة من الفوتوشوب للمبتدئين أو إليستريتر للمتقدمين (لا أفضل إنك تدخل في التصميم و ركز على البرمجة)
فرونت بيج مثل ما قلت لك قديم، آنا عن نفسي أستعمل Netbeans لكن ال Netbeans لازم تكتب الكود بعدين تجربه، بدور لك برنامج يخليك تصمم الصفحة عادي و يعطيك الكود
الموضوع ينقل إلى قسم تطوير المواقع و المنتديات و يثبت