Close Menu
الساعة الآن 04:00 PM

منتديات ياكويت.

للتسجيل إضغط هنا

إضافة رد

حور الكويت

:: عضو قادم ::

أفكار لأنشطة مدرسية لتأصيل قيمة النظافة في مرافق المدرسة

السلام عليكم

صبحكم الله الخير والطاعة

اختي الفاضلة معلمة العلوم ,, اخواني واخواتي

كلفوني بان اقوم بعمل تزيين دورة المياه عزكم الله

ياليت اللي تقدر تفيدني من صور وافكار

اسال الله ان لايحرمكم الاجر

Anwar

:: منسق إداري ::

#2
عليكم السلام حياج الله اختي حور

معلمة الاتصال بالنت عندها بطيئ حسب تعليقها بشريط الاهداءات

اتوقع من يتعدل اشتراكها ماراحت قصر معاج
سبحان الله وبحمده

معلمة علوم

:: الادارة ::

#3
وعليكم السلام ورحمة الله وبركاته

يا هلا فيج اختي حور ... وفعلا الاتصال بالانترنت عندي رديء الفترة اللي طافت شاكرة لاخوي انور على توضيح الامر

يالغالية انا اول شي اقول الله يعينج على المهمة اللي كلفوج فيها بس انت في مدارس ابتدائي ولا متوسط وثانوي لانه مثل منتي عارفة الامور تختلف

1- اول شي احنا قسمنا لما انتشر مرض انفلونزا الخنازير بالعالم سوينا لجنة توعية وطبعنا الطريقة الصحيحة لغسل الايدي وكبرناها A3 وغلفناها تغليف حراري وحطيناها عزكم الله بالحمام

2- تقدرين تحطين ارشادات سلوكية هادفة حسب المرحلة الدراسية يعني اذا ابتدائي تحطين بطاقات كرتونية وتنصحين فيها البنات اهمية النظافة الشخصية أو اهمية المحافظة على الممتلكات وعدم الكتابة على حوائط الحمامات

3- اذكر قسم التربية الفنية لما كان اسبوعهم الاذاعي وكانت قيمتهم المحافظة على الممتلكات سوي حملة وهي تزيين سلات المهملات (عزكم الله) بصراحة هالحركة حلوة حيل وعجبت الناظرة فشرايج تسوين هالحركة علشان مجهودج يكون واضح وتاخذين كم بنت شقردية من حصصهم الاحتياط وتاخذين جوله بالحمامات وتزيينون سلات مهملات الحمامات ويالغالية كل شي تسوينه وثقيه بالصور علشان بالاخير تسوين تقرير واذا مو عارفة شلون راسليني بالخاص اوريج شلون تسوين تقارير انجازات
4- اهتمي بادوات النظافة الموجودة بالحمامات الصابون والمعقم وحطي ارشادات علية
5- وشرايج تختارين مجموعة بنات وتسمينهم مجموعة النظافة ومهمتهم ينصحون البنات اللي يقطون الكلينكس بالحمامات ويعلمون البنات الصغار اذا كانو بالابتدائي شلون يغسلون ادينهم بعد استعمال الحمام بالماء الصابون والمعقم وهذول المجموعة من البنات يكون لهم بطاقات يلبسونها توضح انهم مجموعة النظافة ....
6- في مدرستنا مسوين حركة بطاقات دخول الحمامات ؟؟ شني هالبطاقة الله يسلمج هذي البطاقة تكون خاصة للابلة عددها بطاقتين فقط لا غير وعهدة للمعلمة بحيث انه الابلة تعطي البنت اللي تبي تروح الحمام البطاقة ولما ترجع تردها للابلة علشان الية ذهاب الطالبات للحمام تكون منظمة وامنة
7- تسوين بين فترة وفترة مسابقة كاس النظافة يعني كا جناح مسؤول عن نظافة الحمام اللي موجود في جناحهم واللي يحافظ على نظافة حمامهم راح ياخذون كاس النظافة وطبعا تعلقين ورقة مطبوعة بالكمبيوتر فيها جدول متابعة نظافة الحمام عند كل حمام من برة و طالبات مجموعة النظافة يسجلون ملاحظاتهم علي نظافة الحمام خلال اسبوع واللي يحصلون على نجوم اكثر ياخذون الكاس .
8- حطي طريقة الوضوء تري في بنات ما يعرفون شلون يتوضون .
9- وزعي مطويات على الطلبة توضح لهم اهمية النظافة الشخصية وطرق المحافظة عليها

بصراحة هذا اللي طالع معاي الحين واذا تذكرت شي ما راح ابخل فيه عليج يالغالية

يالغالية هذا رابط بطاقات تساعدج في كتابة الارشادات السلوكية عليها علشان تعلقينها بالحمامات (عزكم الله)

http://www.ykuwait.net/vb/showthread.php?t=35151

http://www.ykuwait.net/vb/showthread.php?t=35158

http://www.ykuwait.net/vb/showthread.php?t=35153

http://www.ykuwait.net/vb/showthread.php?t=35155

http://www.ykuwait.net/vb/showthread.php?t=35155&goto=nextoldest

http://www.ykuwait.net/vb/showthread.php?t=35152&goto=nextoldest


هذي صورة توضح طريقة غسل الايدي



ومذي بالالوان




هذي صور للارشادات السلوكية

حور الكويت

:: عضو قادم ::

#4
اخوي انور شاكرو لك مرورك

اختي الغالية ,, ياعل كل ماتكتبينه بميزان حسناتج
افكار حلوة
انا بمدرسة اولاد ابتدائي

والمطلوب منا ,, نظافة فقط الحمامات ,,

بس هم مابمنع فكرة مجموعة ,, طلبة النظافة فكرة حلوة
لاحرمتي الاجر وربي يوفقج ان شاء الله

منونانه

:: عضو جديد ::

#5
افكار حلوه تسلميييين

ام حصة2011

:: عضو جديد ::

#6
جزاك الله خيرا
إضافة رد


يشاهدون الموضوع : 1 ( عضو0 زائر 1)
 
أدوات الموضوع

الانتقال السريع