عفوا ! معلمة الرياض كيف تحبين عملك ؟
عزيزتى المعلمة أحب أقولج شي مهم عشان تحبين عملج فى شغله مهمة لازم تنامين عدل وتحصلين على راحة تامة عشان تقدرين تنجزين وأهم شي تقعدين من نومج مبجر خصوصا الفجر ساعات مايمديج تحضرين ومخج واقف صدقونى الفجر تصلون وتحضرون يمديكم ترا كمنبهات ساعات الواحد مايركز بس الفجر فى غاز معين بيطلع لحظة الفجر ولحظة غروب الشمس سبحان الله بيفيد المخ إفتحوا درايش ونوافذ غرفه وحطى شغله مهمة ببالج لازم تعرفين شنو لج وشنو عليج محد يجبرج بشي تسوينه غصب بالعمل ومحد يهددج بورقة أو إفادة مشكلتنا التربية مايوضحون للمعلمة شنو لها وشنو حقوقها تدرون ليش مايبونها تعرف يعنى مثلا عرضي منو بيده هل الناظرة او ديوان خدمة طبعاً ديوان الخدمة شي من حق كل موظف ياخذ عرضي ماله وفى شغله بطلى عيونج عدل أيتها المعلمة لحد يضغطج بالعمل ساعات تلاقين تناقضات بالكلام يقولون لج لا تسوين جذى بالدرس وتلاقين مع زميلتج عادى محد نقدها فلازم تكونين متاكدة وحطى بمخج مفهوم كلمة لا بس هذا مو معناته تتمردين لا بيكون موزين لج كلمة لا للشيء الغلط تقولينه حاليا بيقولون الكلمة لها أثر بنفس الإنسان وهى كحد السيف تقتل لاترفعين حسج لأحد وتطلعين شينه دايما تنفسي شهيق زفير تعوذى من إبليس فكرى كلشي له حل ساعات تحصلون ضغوط بالعمل ماعليه مادام حنا بدولتنا مثل الكويت حرية ديمقراطية لاتخافون فتفائلى بالخير وبعد حاولى تشربين ماء وايد أيتها المعلمة وتهتمين تاكلين لانج تستهلكين طاقة بالتدريس وحطى حلاو معاج عشان ماينشف ريجج ماعندج حلاو عادى حلاو الأطفال مايقصرون يعطونا إنزين لاتنسين الفراشات لاتنسينهم هذه الفئة مهمة تساعدج تشيل أغراضج لاتقصرون معاهم وزعى حبج للكل يمكن تلاقين ناس مايحبونج سبحان الله تصير ساعات مو خلل بيكون بالمعلمة بالعكس يمكن بيكون غيرة من جانبهم بس تدرين شسوين إدعى الله يهديهم وخلج بحالج لاتسولفين وايد مع الكل خلى كلمتج موزونة ساعات ناس يبون يسحبون حجى سلبي لاتكونين على نياتج لان النفوس مو مثل قبل ماعليه ولا تبجين أو تتأثرين من أى كلمة مادام انتى على حق وفى شغلة ياحبذا لو الإدارات تسوى رياضة اليوغا للموظفين بالمدارس لمدة ربع ساعة جذى محتاجينها بصراحه والله يوفق الجميع خواتى
