سوووري ما اعرف .......

كان معانا واحد يشتغل بالطيران الله يذكر بالخير

مادري وينه اللحين ..

نكه ما احب اجامل ..

ما يشارك اللحين لو كان معانا جااان يفيدك ...

عليكم السلام

اهلين شاهين

بالبدايه اضغط هنا

مترجم الموقع بالعربي عن طريق قوقل

بالنسبه لدراسة الطيران المدني مو سهله في شخص درس وخلص وبالاخير ماتوظف كاطيار لانه مادرس عن طريق التعليم العالي

وكلفته الدراسه يمكن 30 الف لانه رايح على حسابه وبالاخير ماصار معاه اي شي والواسطه حتى مانفعته

اللي راح يفيدك باذن الله التعليم العالي لانك راح تطلع عن طريقهم ويكون حقك مضمون كاعتراف بالشهاده لان مو كل شاهده تكون مقبوله بالكويت

روح الى موقع التعليم العالي وشوف الشروط وشوف الاماكن المعترف فيها وبعد ماتعرف الاماكن اهنيه اسال وين الافضل وشنو نوع الدراسه


وانا اتوقع الطيران المدني يكون بامريكا او ابريطانيا

هذا موقع التعليم العالي

http://www.mohe.edu.kw

وهذا موقع المكتب الثقافي

http://www.mohe.edu.kw/site/ar/info-...l-offices.aspx

اختار الدوله وشوف المناسب لك

ان شاء الله اني فدتك ولو بشي بسيط

تقبل مروري يالغالي

اي ادري ماهو بهالسهولة هذي.. بس حمدلله تقريبا كل الشروط مطابقة كشروط وكصعوبة .. انا قدها لاني حاب الشي وايد من الطفولة هذا حلمي ومستعد اواجه كل الصعوبات ماعندي اي ملل من هالكلام .... والمكتب الثقافي راسلته ورحت عطاني اسم عشرين كلية معترف فيها اهني بالكويت ... ومنها الاكادمية الي فوق أسأل عنها


وعلى فكرة يعني اخ انور انا مفكر اني اشتغل بالخطوط الجوية الكويتية .. لانها من افشل الخطوط على مستوى العالم للمعلومة بس :p


شاكر لك عالافادة ^^

عساج عالقوة

الله يوفقك شاهييين

اذا الله يسهل امورك وصرت طيار لا تنسانا بالخصومات

لوووووول أبشر حاضرين للطيبين.