Close Menu
الساعة الآن 12:40 PM

منتديات ياكويت.

للتسجيل إضغط هنا

إضافة رد

وحيدة الدمعة

معلمة رياض أطفال

شنو الحل مع هالطفلة

سلام عليكم

عندي طفلة من اول يوم نزلها ابوها الروضة وهي بس تصيح من 7 الى 11 ماترضى حتى امسك ايدها ولاحتى تقربني حاولت بكل الطرق ماادري ليش تكرهني مع اني ماسويت لها شي على طول تبي تلعب بالألعاب واذا صارت بالصف ماترضى تقعد على الأرض وقت الحلقة كلة على كرسي وتتأمر جيبي لي هالشي عطيني هالشي انا ابيها تعتمد على نفسها بس مو راضية تقتنع اليوم اخذت ورقة كلينكس ورمتها على الأرض وقالت لي شيليها ورميها في الزبالة

وفوق هذا كلة امها اشتكت علي عند الإدارة تقول لي انا مسوية شي لبنتها من تجذي ماتبغاني انقهرت وايد وايد فوق ماانا متضايقة من هالروضة بعد هاذي تضايقني ازيد وازيد فكرت اني اطلع من الروضة بس اخاف اطلع ولااحصل شغل انا يالله يالله حصلت في هالروضة بعد عذاب


وش اسوي ويا هالياهلة ساعدوني

Anwar

:: منسق إداري ::

#2
الله يكون بعونج استاذه

ننتظر اصحاب الاختصاص يردون

هم من يفيدج بطريقة التعامل
سبحان الله وبحمده

ام عبدالعزيز

:: عضو فضي ::

#3
مرحبا حبيبتي انا برأيي ممكن تغري هالبنت بالهدايا يعني انا مابحكي انك تجيبي شي فوء طاقتك
الطفل بينبسط بالهدية حتى لو كانت بسيطة وحاولي تيجيها بالكلام الحلو والتشجيع لغاية ماتكسبيها
وازا ما صار متل مابدك حاولي تشرحي حكايتك مع هالبنت للاخصائية الاجتماعية بالمدرسة وازا امكن اطلبي منها
تساعدك بنقل البنت لشعبة تانية وانشالله ربي يعينك حبيبتي

وحيدة الدمعة

معلمة رياض أطفال

#4
والله ياأم عبد العزيز جبت لها هدية وحاولت وحاولت مانفع المشكلة صف مستوى اول مافي الا صف واحد اللي انا فية والمديرة اليوم تقول لي اذا تكلمتي مع ام الطفلة لاتقولي انة الروضة غلطانة او انها تخاف من الروضة يمكن الغلط منك يعني المديرة خايفة على مصلحتها

عبير الزهور

:: عضو ألماسي ::

#5
انا برائي البنت تحتاج الى اعتماد على نفسها اكثر وشكل البنت فيها دلع زياده والدليل كلام لام

افضل انج تتركينها تعتمد على نفسها وتحاولين بشكل ظاهري عدم ابداء اي اهتمام شخصي لها بس يكون من بعيد

يعني مو قصدي ما تهتمين فيها لا تخلي نصب اهتمامك ليها

ومثل ما قالت ام عبد العزيز خليهم بنقولها صف ثاني

لانها بتتماد اكثر من الدلع الا فيها

واكيد بقولج لا تطلعين لاني طلعت من شغلي وتوهقت

معلمة علوم

:: الادارة ::

#6
اختي انا اتفق مع اختي عبير البنت مدلعة علشان جذي توقع الكل راح يدور رضاها .... مثل ما قالت اختي عبير حاولي تتجاهلينها شوي يعني جنها مو موجودة بالفصل واذا بغت تجاوب لا تقومينها لفترة بسيطة حسسيها انج مو منتبهه لها وانتي في الواقع منتبهه لها لكن بس جذي وشوفي شنو راح تتصرف معاج ؟؟؟ راح تستخف علشان تلفت انتباهج والاحسن انج تسألين المدرسات اللي معاج يمكن صادفتهم نفس مشكلتج .... وبالتوفيق ان شاء الله

الوميض الأزرق

معلمة رياض اطفال

#7
الله يعينج ياختى شوفي بحاجيج مادام فيه دلع شوفي حاولى تشركينها بأنشطه يعنى بمسرحيه ترقص اى شي أدرى طفله بس كسبي الأم يعنى أنا دايما أحاول أكسب الأهالى تدرين ليش عشان بعدين أعرف أتعامل معاها مهما سويت لها عاقبتها الأم تكون واثقه انا أحب بنتها بس عشان مصلحتها انا دايما أدش بجانب إيجابي امدح البنت للأم بقولها شزينها بنتج وتهبل وحطيها نجم الأسبوع شي معنوى كثري صورها بالروضة خلى أمها تشارك بالانشطه مالت الروضة تيي الروضه تقول قصه مع بنتها كسبي الأم عشان تقدرين تكسرين شوكت البنت حزتها الأم ماراح تقولج شي لانها واثقه بإنج تعزين بنتها فهمتينى إخذيها منى هم تجاهل مفيد شوى والله يوفقج

مجرد فكرة

معلمة رياض أطفال

#8
البنت مو مدلعه البنت فيها خووفه من الروضه لانها ابتعدت عن امها (مجتمع جديد عليها ) وخلي امها تجي تحضر معاك في الفصل لو اسبوع

اتقربي لها بهدية اول ماتجي اتحضينها وبوسيها ورحبي فيها قدام زملائها

واذا تبغينها تعتمد على نفسها جيبي استكرات نجوم قولي لها يالله انتبهي للدرس واي بنت تجاوب حط لها استكر نجمة صديقيني راح تنبسط وتحبك وتمشي معاك (يروح الخوف ويكسبها الثقه والهدوء ويحببها انها تجي اليوم الثاني ) وتنشغل مابكي وتنتبه للدرس

انا كان عندي ولد زي كذا يبكي وعنيد عنيييييد جنني دخلت الفصل غصب عنه وواشرح وانا مسكة الباب تخيلي لدرجه عظني بيدي ههههههههه واليوم الثاني جبت له هدية وحلاووة وامدحيه انت بطل ووووو الاطفال يحبون المدح ولاتعطينها الهديه الا لما تدخل معاك
خليه زي ماتقولين القائد عندك فتره حتى انسجم يجلس جنبك ارسليه للادارة يجيب ورقه الحضور وامدحي كثيرررر قد ماتقدرين

واعملي بطاقات القائد ومساعد القائد وفريق نظافة صدقيني يحبونك ويكون كل شي زي ماتبغين

وبالنسبة للالعاب قفلي الباب لما تشوفوووها جاءت واتحججوا انكم بنجيبوا اللعاب جديده لانكم حلوين وابطال ......

و ان شاءالله اكون افدتك بشي

وحيدة الدمعة

معلمة رياض أطفال

#9
اشكركم من كل قلبي راح اسوي كل الي قلتوا بة وربي يساعدني
بجرب من يوم الأحد والله يستر

rekada

معلمة رياض أطفال

#10
الله يعطيج العافية معلمة ويكون بعونج هالمشكله من الخطوره ان نعطيج حل من غير دراسة الحاله دراسه علميه ومن اهل الاختصاص مثل ما قال اخونا انور بمعنى يجب تبليغ الاخصائية الاجتماعية بالاول وتحضر معاج كم حلقه وتشوف سلوكها ممكن تكون عندها مشكلة نفسية وبالتالي تحتاجين اخصائية نفسيه وخوفي تعالجين الغلط بالغلط مثل هدايا وعطايا وبالتالي تنعكس عليج السالفه لازم تكون الاخصائية معاج وتقيم الحالة جيدا وتعطيج الحل الامثل لان ممكن ما تتاقلم معاج وتتاقلم مع غيرج وهكذا وعسى الله يعينج وان شاء الله اكون فدتج بهذا الموضوع تقبلي تحياتي
إضافة رد


يشاهدون الموضوع : 1 ( عضو0 زائر 1)
 
أدوات الموضوع

الانتقال السريع