بنات أدعو الله يشفيني
يتبع

ممكن تصنفين شباصات

المنبه : ( قصة على مسرح اعرائس ام جاء العيد وعندها بنت حلوه شنو ممكن تشتري لها اغراض )

يقولون لج ثوب

شباصه

حذاء

( منو اللى رزقنا هذه الاشياء ) الله

من وين شريناها ( السوق )

اللحين عمليه التصنيف

من يضع لى حذاء البنت الذى لونه احمر ( تكونين حاطة بسله حذاء بنت وحذاء ولد + ثوب )

فى هذه المجموعه

من يضع لى حذاء الولد الاسود فى هذه المجموعه

من يعد لى المجموعه الاولى

وحطى ستاندها

درس يتعرف على بعض اعضاء جسمه ( اليد والقدم )

المنبه : عن طريق ( خاتم حطيه بصندوق اللمس ) خل يلمسونه مع نشيده حماسيه واخر شى وقفى النشيدة وقوليلهم اطفال من يقولى ماذا يوجد فى صندوق اللمس بيقولون لمسنا خاتم

الاجابه صحيحه

اين نضع الخاتم ؟

اين موجود اصبنا باليد ؟

هيا كل طفل يصافح صديقه بيده

من الذى خلق اليد ؟ ( عززى الدينى وسمعوا الايه )

ما فائدتها ؟

شلون نحافظ عليها ؟ ( عن طريق مسرح العرائس او فليم بالبرمجيات يشوفون كيفيه تنظيف اليد )

خلصتى اليد

يالله تحبون تلعبون معى لعبة ثانيه

طاق طاق طاقيه ( الصندوق فيه جوارب قدمين ) ؟

وتسالينهم نفس اسئله اليد بس عالقدم


المسابقات : ( طلغيهم بساحه الروضه حركة تغير )

1- هيا نصفق بايدينا

2- هيا نقفز بارجلنا

ماذا تعلمنا يا اطفال ؟

تعرف على ذاته او جنسه اول هدف بالخبره
المنبه :

خشي اسم بنت واسم ولد بالفنيه ( اسمهم اللى يغيرونه كل يوم مال لوحة الحضور والغياب )

ووقفيهم اثنينهم قولى وين اسمك يا خالد وين اسمك يا منى

يالله دوروه لى

المهم يدورونه يلفونه بالفنيه

وتخلينه يعبرون عن ذاتهم انا خالد

ليش ما نسمى منى خالد

؟

لانه كل واحد له جنسه وذاته

وملابسه الخاصه بجنسه

وهكذا

وتسوين مسابقات

مثلا ييبونلج من الاركان ملابس بنت وولد

والسلوكى نحافظ على نظافة هدومنا

ووريهم ببرمجيات الخبرة فليم عن هدفك

الاهداف الخاصة


الاحد :

يتعرف على ذاته و قبوله لجنسه
يستمع بخشوع للاية القرآنية
يجمع ملابس جنسه من الاركان .

الاثنين :

يتعرف على بعض اعضاء جسمه
يحافظ على نظافة اعضاء جسمه
يقوم بعمل مسابقات جماعية

الثلاثاء :

يتعرف على العدد 3 رمزا و مدلولا
يشارك اقرانه المسابقات الجماعيه
يصفق 3 مرات

الاربعاء :

يتعرف على كلمة رأس
يحرص على تمشيط شعره قبل قدومه للروضة
يجمع بطاقات من اركان الفصل

الخميس :

يتعرف على هيكله العظمي
يحرص على شرب الحليب لتقوية عظامه
يردد اناشيد مع الحركات التعربية

يقرأ كلمة ( انسان ) (يتعرف على جنسه)
2-يحرص على عدم الاستهزاء بالاخرين
3- يؤدي مسابقه بمشاركة زملاءه


يبي لعبه ولبسيها دشداشه وقولي حق الاطفال يبت لكم شي وايد حلو تحبون تشوفونه وطلعي اللعبه خل يشوفونها وقوليلهم اطفال اللعبه وايد زعلانه تتوقعون ليش ؟ لانها لابسه دشداشه والدشداشه حق الصبيان انزين اللعبه شنو نلبسها وحطي لها نفنوف في ركن المنزل راح يقولون نفنوف انزين من يحضر لها نفنوف من ركن المنزل ولبسها بجذي اعرفووو الجنس والبنت والولد عقب قوليلهم اطفال اللعبه هذه تتكلم وتاكل مثلنا راح يقولون لا اللعبه ما تقدر تتكلم انزين منو الي يقدر يتكلم وياكل ويمشي الانســان وبسسسسسسسسسسسسسسسس الباجي عليج

يتعرف على ذاته "انسان مسلم عربي كويتي "



اشلون احقق الهدف؟؟


المنبه

تاخذين صبورة العرض الصغيرة اللي تكون يمج


وحطي تحتها3 صناديق او سلال


والمنبه عبارة عن لعبة



يبدوون اليهال يلعبون معاج يكتشف الياهل شنو موجود بالصندوق الأول!


يلقى صورة بحر! من يستخدم البحر او من يعيش بالبحر!



بيقولون لج السمج ابحث عنه بالاركان ياب لج سمجه علقناها عالصبورة



الصندوق الثاني في حبوب وبطل ماي تسألينه شنو نسوي فيه بيقولج نزرع وبعد مانزع شنو يطلع؟

زرع = نبات


ابحث لي عن نبته



اخررر صندوووق ملابس


ومن يستخدم هذي الملابس؟؟


بيقولج الانسان!!



يعني المنبه عبارة عن اشياء ويربطها مع بعض



طبعا نسييت



ليمن اييب لج السمج تقولين السمج شنو تتوصلين لي حيوان



والصندق الثاني نبات


والثالث انسان



ماالفرق بينهم الله شنو ميزنا!


بالعقل

اطفال يجب ان نقدر ذااتنا وانفسنا ان الله خلقنا كإنسان وميزنا بالعقل




عقب هم لعبة ثانية



لعبة فلة



صندوق ومع اغنية فلة تطلع فلة مع صديقها؟


الله اطفال يتنا صديقة فلة اليوم!


ولكن!!



ماذا نلاحظ اطفال مااالفرق بينهم!!


لو ماعرفوا قولي شوفوا لبسهم اطفال


بيقولون لج هذي لابسة حجاب وهذيج لا


وتسألين معلمتكم شنو لابسة ع راسها حجاب


وامهاتكم؟ = حجاب


ليش اطفال؟


تتوصلين لأن مسلمين


فعرف ان هو انسان ومسلم


وانتي تشرحين تدخل المعلمة الثانية اللي معاج خدامة الصف


وهي تبجي= لوول حتى الخدامة استغلينها كوسيلة





المهم تتكلم لغتها بنقالي


وتقولين اطفااال شنو قاعدة تتكلم!


بيقولون لج هندي تقولين يلا اطفال اشلون نساعدها حرام تبجي


نقدر نفهم كلامها؟؟



يقولون لأ ليش؟


لأن هندي

طيب وانا اتكلم شنو؟

بأي لغة ؟

بيقولون لج كويتي

قولي كويتي اللهجة


ولكن اي لغة تشاهدون فيها الرسوم المتحركة يقولون لج عربي


بس تقولون اذا يا اطفااال انا انسان مسلم عربي



اطفاال العاابنا لي الحين مااخلصت تبون تلعبون



في مربعات الوان مطشرررة بالصف



من ضمنهم الوان علم الكويت



مع الموسيقى تتطلبين منهم يجمعون الوان علم الكويت بس



يوم يجمعونهم وتعرضينهم تستغربين اشلون اليهال عرفوا


تتوصلون انهم كويتيين


وتوقفون وتحييون العلم



وبس !



ان شاالله اكون فدتكم

طبعا اول شي المنبه وبما ان الكلمة اللي عندج ( انسان ) تقدرين مثلا اتييبن لج عصفور

او سمجه و ورده صجيين طبعا وتقعدين تسلمين عليها وتكلمينها وماترد عليج تروحين وتحاجين العصفور

وهم مايرد تستغربين وتسئلين الاطفال ليش مايردون علي؟ ليش مايكلموني؟؟ لانهم حيوانات .. انزين منو اللي

يقدر يكلمني عيل؟؟ الانسان ... تكونين خاشه صورة بنت او ولد في احد اركان الصف وتطلبين من طفل يروح اييب

لج اياها مع الموسيقى او تخشينها بالنفق تقدرين اتييبنه من الحركيه وتحطينه بالصف او تحطين خطوات على الارض

وعقب الخطوات صندوق فيه الصورة وتطلبين من احد الاطفال اييبه عشان تحركينهم شوي وتطلعي الصورة وتحطينها

على اللوحه المغناطيسيه يمج ..وتقولين لهم ان الحيوانات والبناتات والانسان كلهم كائنات حيه اي تأكل وتشرب

وتتنفس .. ومن الذي خلقهم جميعا؟؟ الله سبحانه وتعالى .. انزين اطفال هل تتمنون ان تكونو اسماك؟ او عصافير؟

طبعا يقولون لج لا تسئلينهم ولماذا؟؟ لان الله ميز الانسان عن الحيوانات بالعقل والتفكير وكذلك الانسان

يقدر يتكلم والكائنات الثانيه ماتقدر تسوي هالشي ... ماواجبنا تجاه الله سبحانه الذي منحنا نعمة العقل وميزنا عن الحيوانات؟

ان نحمده ونشكره وتطلبين من الاطفال يرفعون ايدهم ويقولون اللهم لك الحمد والشكر على نعمة العقل ( هني حققتي

هدفج ان يتقبل ذاته كما خلقها الله ) ... عقب ماناقشيتهم بكل هذا عاد لازم اطلعين لهم كلمة (انسان) بطريقة حلوه

ومشوقه ... تقدرين مثلا تقولين لهم نامو نامو ياحلوين ويغمضون عيونهم وتقومين تحطين ورا احد الاطفال ورقه

هالورقه تكونين كاتبه عليها كلمة انسان بالالوان السحريه عرفتيهم؟ تكونين كاتبيتها باللون الابيض طبعا الورقه

راح يكون شكلها فاضي ومافيها شي وعقب ماتحطينها تقولين لهم كوكو يالله صار الصبح قومو وكل واحد يدور

وراه في شي انا حطيت لكم مفاجئه وااايد حلوه؟ راح يقوم الطفل ويعطيج الورقه الفاضيه .. ماذا ترى فيها؟

لاشيء ورقه بيضاء .. مارأيك ان نستعين بالقلم السحري الموجود في ركن الفنيه طبعا تكونين حاطه لون من الالوان

السحريه اي لون يروح الطفل واييب لج اياه مع الموسيقى ويشخبط على الورقه يلونها لين تطلع الكلمه وتسوين روحج

متفاجئه وتورينها الاطفال انظرو ماذا ظهر لنا؟؟ انها كلمه .. هذه كلمة (انسان) وتخلين الورقه اللي بايدج

واطلعين ورقه مطبوع عليها كلمة ( انسان ) مطبوعه بالكمبيوتر طبعا لازم .. وتطلبين من الاطفال يقرونها بشكل جماعي

عاد ترفعينها وتقولين لهم اقروها بشكل جماعي بصوت عالي ومره ثانيه بصوت واطي وعقبها يقرونها بشكل

فردي يعني واحد واحد يقول ( هذه كلمة انسان ) لازم جملة كامله واللي يغلط تصلحين له وعقب مايخلصون

تاخذين الورقه وتعلقينها على السبورة اللي يمج اللي حطيتي عليها صورة الانسان وتكون الكلمه على يمين الصورة ..

وبعدين تكتبين الكلمة على السبورة .. وتقولين لهم بماذا تبدأ الكلمه ؟؟ ماهو الحرف الاول من كلمة انسان راح يقولون

لج ( أ ) تطلبين منهم يعطونج كلمات تبدأ بحرف الـ ( أ ) يقولون لج عاد وتكتبين الكلمات اللي يقولون لج اياها

على السبورة مع تمييز الحرف الاول بلون مختلف ...

يتعرف على ادوات النظافه صوت بكاء على المسجل ( سجليه بصوتج ) وقولى للاطفال منو هاذى اللى تبجي ؟؟ وليش تبجي خليهم يفكرون بيطلعون لج بلاوي لوووول بعدين جيبي السبوره تكونين راسمه عليها صورة بنت وجهه بس لكن الوجه وسخ مبقع بالاسود وشعرها كشه وحلجه شكله حزين على تحت وأسود وقولي لهم هذى البنت اللى تبجي كانت لما تروح الروضه محد يلعب معاها ليش يا اطفال بيقولون لج وسخه شرايكم نساعدها شنسوي نمشط شعرها يلا نجيب المشط ويروح واحد من الاطفال يجيب المشط تمشطين اللرسمه وتمسحين الكشه وتسوين شعر حلو مسترسل بعدين وجهها الصابون وبعدين اسنانها سوداء الفرشاه والمعجون يعنى وراء بعض الى ان يطلع شكل الوجه النهائي جميل ومبتسم بعدين تحطين صوت ضحكه جميله على المسجل والبنت صارت سعيده وتشكركم وتعطيكم هديه اذا عندج كلمه تطلعينها اذا عندج تصنيف للعددي تطلعينه
وتقدرين بدال الرسمه تسوين الفكره على عروسه عندج بالصف او تسوينها على بوربوينت

منقول للأفادة دعواتكم لي
اول شي تودينهم المرسم وتقدمين لج منبه بسيط .. مثلا اتييبين صحن بلاستيك ماهذا الشكل ؟ دائره

يشبه ماذا ؟ ومن هالاسئله .. وعقبها اتييبين دائرتين سود او زرارات سود تحطينهم يعني عيون و عود

بالوسط يعني خشم والحلج بالقص واللزق لما يستنتجون انه وجه انسان .. وبعدين عاد تبدين تقولين

لهم قصه خياله .. مثلا كان في بنت اسمها ساره كانت امها حامل وكانت ساره تنتظر الطفل متى ايي

فقالت لها امها شرايج نروح السوق نشتري له اغراض راحو السوق وكان السوق كبيييير وبه ملابس اطفال

كثييره اشترت ساره للطفل ملابس لونها احمر وقبعات لونها اصفر وازرق و رأت سرير صغيييييير كان جميل

جدا لونه ابيض وكان لون الغطاء اخضر نادتها امها وكانت عند قسم الالعاب فرأت دب كبييير لونه

برتقالي فشترته للطفل وبعد ذلك عادت الام مع ساره وهم فرحوون .. لاحظي ان قصتج الخياليه ركزتي

فيها على الالوان والاحجام اكثر شي لانج بالمرسم وهم لازم تكون مرتبطه بالخبره ..

بعدين عاد توزعين الاطفال مجموعه يلعبون بالصلصال وادوات الصلصال ومجموعه تحطين لهم تطبيقات

ويلزقون عليها خامات فنيه ( ترتر - خرز - قص ولصق - كرشيه ...) وطفل حطي له ستاند مع الوان اصابع

وصدريه ... ومجموعه يسون لج مشروع فني يعني 5 او 6 اطفال عطيهم صحون البلاستيك مع زرارات واعواد

وقص ولصق وخيوط صوف لونها اسود يسوون لج منها ويه .. وطبعا قبل لاتوزعين الاطفال لازم تشرحين لهم

كل مجموعه شنو بيسوون .. واهم يشتغلون لازم تأكدين لهم على قواعد الامن والسلامه ان احنا الاطفال الصغار

نستخدم المقص البلاستيك وليس الحديد وتأكدين على النظافه والهدوء وسلااااااااااااااامتج