معلمة علوم

:: الادارة ::

04 - 27 - 2012, 12:12 PM المشاركة 1

كل ما تحتاجة لخبرة البحر تجدة هنا ,,,

السلام عليكم ورحمة الله وبركاته

زميلاتي المعلمات

ان شاء الله راح نكمل مشوار تجميعنا لافكار الخبرات

وصلنا لخبرة البحر

يعني هالكورس انتهى ولله الحمد ..

كل عام وانتو بخير

لي عوده ان شاء الله مع الافكار والانشطة والصور لخبرة البحر

اتمنى مشاركتكم وتفاعلكم معاي

معلمة علوم

:: الادارة ::

04 - 27 - 2012, 12:13 PM

اول شي .. النشاط

لقيت لج شي حلو حق القصه

ممكن تكون القصه عباره عن رحلة العائلة الى شاطئ البحر .. الام تجهز الاكل للابناء .. والاب يلعب مع الولد بالكره
والبنت تلعب بالرمل .. والام توصيهم انهم يحافظون على نظافه الشواطئ والبحر ومن هالكلام

الرياضي .. خلي واحد من الاطفال يلبس مايوه (بس مو متاكده اذا عادي والا ممنوع هالشي) ويقول انه بيطب البحر وبيسبح .. بس صديقه ينبهه لازم تسوي تمارين احماء قبل السباحه .. ويشاركونه الاطفال بالتمارين

الابتكاري .. بخبرة الناس يعملون سويت اوبريت عن المهن البحريه تقدرين تسوين مثله

سويت ديكورات المسرح فوق الشاطئ وتحت قاع البحر .. حطيت سفينه ودخلو الاطفال مع المطارق اغنية القلاليف مالت شادي الخليج مقطع صغير بس) .. والاطفال يمثلون انهم يبنون السفينه

وعقبها يدخلون الصيادين مع الشباك ويرقصون ويمثلون عمليه الصيد داخل السفينه .. على اغنيه نحن الصيادون مالت شادي الخليج

وعقبها يدخلون الغواصين على اغنية "دار انزلنا وابرك دار على الهير والمحار"" هم مالت شادي الخليج ويقلدون عملية الغوص

وهالاوبريت من كثر ما عجب الكل عدناه بحفلة تفوق الجمعية

معلمة علوم

:: الادارة ::

04 - 27 - 2012, 12:15 PM

فكره حق الرياضي ان صياد يصيد السمك مع ولده ويتعب ولده من الحركه

فينصحه الاب ان هذي الحركه منها رزق ومنها رياضه ونخلي الاطفال كلهم يحركون ايدهم مثل الصياد

وحق المسابقات بعد ان واحد يبيع السمج ويتزاحمون عنده الناس

فيصرخ فيهم انهم يوقفون بنظام وترتيب عشان الكل ياخذ ويحترمون الدور مثل اطفال روووضه ..... يحترمون الدور في مسابقاتهم

معلمة علوم

:: الادارة ::

04 - 27 - 2012, 12:15 PM

درس البيئة البحريه

تحتاجين الطربال الأزرق البلاستيك وقصي منه مترين في مترين تقريبا فرشيه على الزوليه او المكان الي تقعدون فيه بالحلقه

.. وبعدين يبي اصداف ونباتات بلاستيك واحجار ولزقيها بصمغ المسدس منثرين على الطربال

وخلي يمج صندوق فيه صور لجميع الاحياء المائيه من انواع اسماك او من غيرها من احياء مثل الاخطبوط

او نجمه البحر

المهم وابدي الدرس بأن تقوليلهم غمضو عيونكم وابيكم تتخيلون معاي اننا بنغوص في البحر

يالله حركو ايدينكم خلنا نسبح ونغوص في اعماق البحر

واول شي ابدي بنفسج قولي انا اشوف سمكه كبيره مثلا لونها احمر وعلى ووصفي شكلها و طلعي السمكه حطيها على الطربال

و اسالي احد الاطفال شنو شفت انت

وطبعا حاولي تكونين مجهزه كل انواع الاحياء المائيه بقدر المستطاع داخل العلبه

اول ما يقول احد انواع الاسماك او الاحياء طلعيه وخليه يوصفه ويتكلم عنه

وهكذا لين يذكرون كل الاحياء او بعضها

في النهاية قوليلهم شرايكم بالرحله الي سويناها في اعماق البحر استمتعو فيها .....؟

عقب عاد دشي بالديني .. والوجداني وحققي اهدافج كلها واذا عندج مسابقه حطيها عشان تحركين الاطفال

وبجذي درسج صار كامل

ان شاء الله يعجبكم

معلمة علوم

:: الادارة ::

04 - 27 - 2012, 12:16 PM

بالنسبه للشعبي سوي ان البحاره دشوا البحر وعقب ينطرونهم اهلهم على السيف

وهم واصليبن تحطين اغنيه توب توب يا بحر اتذكر سووها عندنا بالنشاط بس كانت حق بلدي الكويت تقدرين تخلينها حق البحر

بالنسبه للتجارب احنا تجربتنا الطفو

معلمة علوم

:: الادارة ::

04 - 27 - 2012, 12:18 PM

حبيبتي لا تستهينين بأولى ترا شطار ويفهمون والحين اخر الكورس .. غيريلهم شوي .. واذا تحسين بيخونون
عندج النشاط الفردي عطيهم ملخص بسيط عن الحلقه

وبالنسبه حق الشعبي حلوو اقدر ازيد عليها بعد احط طفله وتمثل دور عوده المهنا لما تنطر البحاره وبيدها السعف والقطوه .. ما اعرف طريقتهم بالضبط سامعتها من يدتي .. اتاكد من خطواتهاا واعطيكم الزبده

هذي التجارب الي كل سنه نسويها ما يبت شي من عندي يمكن عشان انتي اولى يختلف ثانيه تكون تجاربها اكثر .. تنفس السمك تتكلم عن الخياشيم .. الطازج والفاسد من لونه وريحته ولون الخياشيم

معلمة علوم

:: الادارة ::

04 - 27 - 2012, 12:19 PM

منبهات بالبوربوينت

منبه بحـــــر

منبه اجزاء السمكة

منبه البيئة البحــــريه

الصيــــــــــــــــــــاد

الملفات المرفقة

	seaworld.rar‏ (214.2 كيلوبايت, المشاهدات 212)
	fishing.rar‏ (268.5 كيلوبايت, المشاهدات 190)
	sea.rar‏ (100.4 كيلوبايت, المشاهدات 183)
	fish.rar‏ (41.6 كيلوبايت, المشاهدات 162)

التعديل الأخير تم بواسطة معلمة علوم ; 04 - 27 - 2012 الساعة 12:25 PM

معلمة علوم

:: الادارة ::

04 - 27 - 2012, 12:30 PM

تطبيقات فنية

تم تصغير الصورة. إضغط هنا لمشاهدة الصورة بحجمها الطبيعي 674x796.

تابع تطبيقات فنية

تم تصغير الصورة. إضغط هنا لمشاهدة الصورة بحجمها الطبيعي 900x557.

معلمة علوم

:: الادارة ::

04 - 27 - 2012, 12:30 PM

المعرفي يتعرف بعض الانشطه البحريه
الاجتماعي يحرص على نظافة الشاطئ
الحسي حركي يقوم بعمل مسابقات مرتبطه بالخبره

الانشطه ..(صيد السمك/.السباحه./جمع القواقع)
وطبعا هذي موجوده بدليل المعلمه

نبدا بمنبه بالبوربينت دوائر ومثلثات لين وصلنا للسمكه وسمعتهم صوت موج البحر .. بعدين كنت ملبسه طفل وزار مع القحفيه ومعاه سله خزف كانه صياد... ودش عليهم وتعرفو عليه وكان معاه اسماك بالسله

كنت حاطه بواحد من الاركان ع الارض بيئه بحريه ورق كريشه ازرق.. طحالب قواقع سمك

... وسألتهم تحبون البحر..شنو ممكن نسوي لما نروح البحر

وسمعت انواع الاجابات لدرجه ان واحد منهم قال نشرب قهوه وجاااااي خخخ يااحلااته

هني دخلت ع الانشطه الباقيه..السباجه:قلت لهم نسبح بالبحر ونلعب كره بس مانبتعد عن الشاطي ونلبس سترة النجاة وجمع القواقع: نجمع القواقع نصنع منها اشياء جميله كنت مسويه برواز ومزينته بقواقع ماتت عليه المشرفه لدرجه انها اخذته وريتهم اياه وبعدها قامو يزينو براويز صغار معطتيهم اياها وبعدها مسابقاات

الاولى حطيت سفره لونها اسود وعطيتهم طباشي قلت ارسمو شي من درسنا اليوم اللي خذينا

بعضهم رسم قواقع والثاني سمك ..الخ

المسابقه الثانيه جمع القواقع .. قسمتهم فريقين وطلعت طفلين وكل فريق يشجع الطفل اللي منه

اللي يجمع اكثر من الثاني يفوز.. وطبعا حطيت الميزان وشفت من اكثر

واخيرا صيد السمك بواسطه السناره.. االلي عند ابو ميه اللي فيها مغناطيس الكبيره مو الصغيره ..حطيت سنارتين وطفل من كل مجموعه

ومجموعه اسماك اللي يجمع اكثر يفوز

والاجتماعي كنت عارضه شفافيه منظر شاطئ نظيف والثاني في اوساخ وأأكدت عليه لانه مهم انج تأكدين عليه..

منقول

معلمة علوم

:: الادارة ::

04 - 27 - 2012, 12:32 PM

#10

قصة على فلاش عن البحر روووعه

4

البحر جميل

http://filaty.com/f/904/22716/al-bhr_gmil.zip.html

البحر والسفن

http://filaty.com/f/904/80004/al-bhr_oal-sfn.zip.html

6

اللؤلؤ

http://filaty.com/f/904/82188/al-lolo.zip.html

7

البحر والماء

http://filaty.com/f/904/10205/al-bhr_oal-may.zip.html

8

كائنات بحرية

http://filaty.com/f/904/17188/kaynat_bhria.zip.html

9

شاطيء البحر

http://filaty.com/f/904/80441/shatiy_al-bhr.zip.html

فلاش عن المحيط

تفضلوااا

لاتبخلون علي بدعوااتكم الطيبه

http://filaty.com/f/904/60640/al-mhit.rar.html

10

السمك

http://filaty.com/f/904/30059/al-smk.zip.html

11

الطفو

http://filaty.com/f/904/56509/al-tfo.zip.html

12

البحر من نعم الله علينا

http://filaty.com/f/904/11473/al-bhr...elina.zip.html

التعديل الأخير تم بواسطة معلمة علوم ; 04 - 27 - 2012 الساعة 12:42 PM

منتديات ياكويت.

معلمة علوم

:: الادارة ::

كل ما تحتاجة لخبرة البحر تجدة هنا ,,,

معلمة علوم

:: الادارة ::

معلمة علوم

:: الادارة ::

معلمة علوم

:: الادارة ::

معلمة علوم

:: الادارة ::

معلمة علوم

:: الادارة ::

معلمة علوم

:: الادارة ::

معلمة علوم

:: الادارة ::

معلمة علوم

:: الادارة ::

معلمة علوم

:: الادارة ::

روابط سريعة

يشاهدون الموضوع : 1 ( عضو0 زائر 1)