ياكويت

وانا لما كان عندي درس عن دور الاب

منبهي سياره كبيره وبغطيهااا وبعدين اعرضها لهم ومنو اللي يركبها إلى ان يتوصلون إلى الاب

عقب ادخل على اعمال الاب وين يودنا للجمعيه والروضه والملاهي

وبحط بالاركان صور عن دور الاب وااناقشهم فيه

انه يشتري لنا الاغراض من الجمعيه ويهتم بالاعتناء وسقي حديقه المنزل

وبحط لهم بالبروجكتر صورة طفل يساعد ابووه واناقشهم فيه وعقب ادش ببالمسابقات

ووووبس

[hide]

اهمية المنزل

تستدلين من خلال قصة يعني تحطين مشكلة للطفل حتى يحلها

كنت مجهزة مثير قصة بالصور المنسدلة على خلفية ثابته عندي

الخلفية لونين يعني سما و ارض

انزل صورة طفلة بالحديقة ويلعب معها العصافير والارانب

في نهاية النهار

عاد العصفور لعشه والارنب لجحره

وظلت الطفلة وحيدة بالحديقة

أحست بالخوف وفجأة سمعت صوت مخيف [ ارفقه بصوت رعد ]

وامطرت السماء [ انزل غيوم ومعاها قطرات مطر ]

ماذا تفعل ؟

الاطفال بيحلون المشكلة بذهابها للبيت

لازم تكون نبرات صوتج معبرة عن الفرحة بالاول ثم بالمفاجأة والخوف من الوحدة والمطر

رددي معاهم دخول المنزل

البحث بالاركان عن مصورات تعبر عن اهمية المنزل

من خلال لعبة

اي لعبة عندج انتي معلمة عيالج عليها يلعبونها معاج ويحضرون لج المصورات

بعدها لاااااازم تناقشين الصور صورة صورة وتتركين للطفل فرصة يعبر عن الصورة باسلوبه

تدخلين بالوطني من وفر لنا البيوت ؟

اذا عندج مجسمات بيوت وزعيها عالاطفال بداخلها اوراق فيها اسئلة

اسألي الاطفال هالاسئلة كمراجعة للنشاط

ممكن تحطين اغنية بيتي كبير بيتي صغير بيتي اكبر من بيتك ] اغاني الحضانة قبل اذا تعرفينها

ممكن تلعبون مسابقة تركيب صورة بيت او تركيب الصور المعبرة عن اهمية المنزل

[/hide]

وهذا منبة عن الجدة
[hide]


دور الجده .. تقدرين ادخلين العيد بالموضوع ترا الاداره ولا الموجهه بيستانسوون على الربط

يعني مثلا تقولين في مناسبه هلت علينا يا اطفال وعطونا عطله عليها من يعرفها ؟ بيقولون لج العيد

هل ارتدى الجميع ملابس جديده ؟ نعم

هذا العيد اسمه عيد الحجاج ويذهب الناس فيه للج والوقوف بعرفه

بعدين دخلي قولي .. اطفال اين نذهب بالعيد ؟ العاب .. زواره

نزور من ؟ الجد الجده .. ترا يقولون لاتحاتين اكثرهم يقولون يدتي ولا يدي

واهني دخلي بموضوعج عن اليده

قولي كم يده لدينا ؟

ام الاب وام الام

ما واجبنا تجاه اليده ؟

عندما نرى كبار السن اطفال ماذا نفعل لهم ؟

ان الجده دورها مثل دور الام وهي تحب اطفال ابنتها كثيرا ودائما تقدم لهم العيادي والهدايا

هل تحبون جداتكم ؟

وسلامتج عاد انتي كملي درسج وحققي اهدافج وحطيلج مسابقه

مثلا يطلعون لج صوره اليده من بين مجموعة صور اب ام اخت اخ جد وكذا صوره حق الجده
[/hide]

[hide]

مفهوم الاقارب

المنبه يكون قصة عن أم تشتري ملابس جديدة للعيد وبعدين عاد تناقشهم المعلمة وين يروحون بلعيد (عند الأقارب ) وتشرحين لهم عن الاعمام انهم اخوان الاب والاخوال اخوان الام واتوضحون هذي الاشياي على السبورة انج اتحطين صورة ام واب واتييبين صور ناس واتحطينهم يم صورة الاب واتقولين لهم هذولا الاعمام ونفس الشي حق الام واتقوليلهم هذولي الاخوال وبعدين اتكملين القصة ان الام قالت حق بنتم يلا خروح انزوزر اقربائنا والبنت ترفض عاد اهني تتكلمين عن السلوكي وان احنا لازم انشارك اقربائنا افراحهم ولازم نصل الرحم

يتعرف على جارة او حسن الجوار من خلال وضع شارع وتقوليلهم شنو هذا بيقولون شارع زين اطفال شنو نشوف بالشارع بيقولون سيارات وتحطينهم وبعد اطفال نباتات واشجار وتحطينهم وكل ماسألتي عن شي حطيه ليما يتوصلون للبيووووت وحطي مجسمات وسميها بيت ابو فلان وابو فلان وجذي وناقشي وخلصي ديني وطني ومن مسرح العرائس سلوكي وحطي برنامج الحاسوب في شغلة عن الجيران وسوي جولة بالاركان ركن تكلمي فيه عن زيارة الجارة لمن تولد وركن ثاني لمن يزورونا الجيران شنقدملهم حلو وقهوة وركن ثالث حطي فيه عروسة تبجي لان ابوها مريض يلا اطفال شنو لازم يسوون جيرانهم <<<بيزورونهم واختاري اطفال يركبون لج بيوت من المكعبات
[/hide]

افكار لأنشطة خبرة اسرتي واقاربي

[hide]

اول شي قصه:
خبرة اسرتي واقاربي وجيراني تجهزين المسرح حق عائلة تكون الام وبنتها قاعدين يطالعون التلفزيون وفجأة الام اطيح وتقول بطيني يعورني ااه يابنيتي دقي علي ابوي تحاول البنت ادق تلقاه مغلق تقولها الام نادي بيت بومحمد جيرانا وتروح تنادي بومحمد وزوجته ويشيلونها يودونها الطبيب وسوي حركة يطلعون من الجانب اليمين ويردون من الجانب اليسار للمسرح ويقولون الحمدالله لحقنا عليها كان عندها الزايدة والابو يدخل ويتشكر من جيرانه الي ساعدو زوجته وبيت بومحمد يقولون لا شكر علي واجب والجار للجار... وخلصت حلوة وراح تعجب الناظرة.

اليوم الرياضي:
دخول شخصية رجل الأطفاء ومذيعة تسوي معاه مقابلة وتقوله شنو فايده مهنة الاطفاء وشنو تحتاج حق رياضة وتمارين تقوي الجسد عشان يقدرون يمارسون مهنتهم وتقوله ممكن تورينا بعض الحركات الرياضية ويقوم رجل الاطفاء بعمل بعض الحركات بمشاركة اطفال الروضة.

اليوم الشعبي:
وام وبناتها قاعدين وتذكر الام ايام قبل واشلون الجيران والاهل يتزاورون وتقولهم الام ان جدتهم بروضة (........) اشرايكم نزورها طبعا تروحون حق الناظرة وتقدمون لها بكيه ورد وتخلونه يوم شعبي مميز صدقوني يبهل.

اليوم المفتوح:
لعبة من غير كلام سويتها السنة الي طافت روعه تحتاجيين حق 8 اطفال ينقسمون حق مجموعتين من سنة ثانية وطفلين يمثلون الحركات وطبعا لوحتين عشان تكتبين درجة كل فريق..
ويمثل الطفلين كل طفل جدام مجموعة النجار يسوي منشار بيده ومطرقة والبناي والشرطي حركة المسدس الطبيب حركة السماعة والقلب والله فضيع انشاء الله بيعجبكم.
[/hide]

[hide]
ممكن تسوين مسرح الظل تبطلين ستارة المسرح علي النص وتعلقين خام ابيض مترين ومن وراه...

توقفين طفل يسوي روحه يطق الكرسي وتتكلمين بالمكرفون مع تتغير الصوت أنا شخص يسمونني صديق الخشب واحب المسامير والمطرقه هل عرفتم من أنا؟؟

وطفل ثاني يلبس ملابس الطبيب ويقعد علي الكرسي يسوي حركة قياس نبض القلب وتتكلمين بالمكرفون
أنا شخص احب الناس جميعا وأعالجهم من الأمراض واعطيهم الدواء هل عرفتم من أنا؟؟

طفل ثاني يمسك مسدس من خلف الستارة وهو يرتدي ملابس الشرطي وتتكلمين بالمكرفون
أنا شخص أحمي الناس واقبض علي اللصوص هل عرفتم من أنا؟؟


هذا نشاط لخبرة الناس يعملون

ممكن الشعبي تسوين الخباز وتوزعين علي الفصول
خبز ايراني عاد طلعي من الصبح ييبيلج خبز ايراني حق النشاط

وممكن المبدع توزعين علي الفصول وسيلة ومستهلكان يسوونلج قناع كبير علي وجه بنت او ولد طبعا تكونين قاصه الوسيلة علي شكل دائرة وتخلين الناظرة تختار احلا قناع وتعطينهم سله فيها حلويات حق الفصل

ممكن تحطين مجسم بقرة علي المسرح وتركبين لها قفاز من ناحية صدرها وتحطين فيه سائل ابيض وقصه عن الحليب وفوايدة والطفل الرضيع حلو حيييييل

ربي يوفق الجميع ويرزقكم كلكم يارب

بالنسبة حق موضوع الخباز تسوين مسرحية عن ام تبي خبز ايراني وماتبي الخبز المجمد ودز الخدامة تييبلها خبز من الخباز مع بنتها الصغيرة والبنت تسأل الخباز عن مهنته ويعطيها الخبز
وبس بس بصروة تذكرين ان الخباز يحمد ربه ورزقه قليل بس مبارك وان الام ماتذم الخبز المجمد لان نعمة الله بس انها تبي خبز طازة وحار
وتخلين المعلمة الي معاج تقول بالمكرفون ان الخباز يبي يعطي روضه الكرم خبز لانهم لابسين شعبي ووزعي علي كل صف جيس داخله 5 اقراص خبز
عاد انتو وابداعاتكم معلمات تره التمثيل حلو وسهل ويعجب الادارة ودخلو الفكاها بالتمثيل ليش الخباز مثلا ويتكلم ايراني

وربي ولي التوفيق
[/hide]

يتعرف على صورة بيت
يحافظ على نظافة منزله
يحوط صورة بيت

منبه: بوربوينت أو قص ولصق شكل مثلث ومربع كبار لرسم اطار البيت بعدين نضع الدرايش مربعات صغار ومستطيل صغير للباب
البيت من يعيش في المنزل؟ العائلة (صورة العائلة في احد الاركان) من ماذا تتكون العائلة؟ماذا يوجد في البيت؟اثاث من اين نشترية من السوق من وفر لنا السوق دولتنا الحبيبة الكويت (الجانب الوطني) ثم مشهد او مقطع فيديو عن نظافة البيت

ثم ظهور ضيف ام او اب او بنت او ولد احضروا صورة بيت ثم
قراءتها جماعي فردي وكتابتها بلونين وحجمين
بعدين ندخل لصوت الحرف الاول((تكونين حاطة اشياء لها نفس الحرف الاول ويتعرف عليها الطفل))

وبعدها تكونين حاطة ورى كل طفل ورقه فيها صورتين وحدة فيهم بيت يحوط عليها (تعلم فردي أو ذاتي)
وأخيييرا تغذية راجعه

شكرااااااااااا جزيلا