أعمال فنية من الأكياس البلاستيك بالصور والخطوات
أعمال فنية من الأكياس البلاستيك بالصور والخطوات
تفتكرى الجمال ده معمول من اييييييييييييييييييييه ؟؟؟؟؟؟
من الاكياس البلاستيك !!!
ايوة و الله الاكياس اللى كلنا بنرميها ممكن تعمل احلى شغل
-هنجيب كيس و نقص الايدين من فوق و كمان الجزء المقفول اللى تحت
تفتكرى الجمال ده معمول من اييييييييييييييييييييه ؟؟؟؟؟؟
من الاكياس البلاستيك !!!
ايوة و الله الاكياس اللى كلنا بنرميها ممكن تعمل احلى شغل
-هنجيب كيس و نقص الايدين من فوق و كمان الجزء المقفول اللى تحت
2-هنطبق الكيس عشان يبقى كذا طبقة او نحط كذا كيس فوق بعض
3-هنحطهم مابين طبقتين من الورق و نكويهم
4- البلاستيك هيسيح و يلزق فى بعضه
5- هيبقى عندنا طبقة واحدة تقيلة
6- ممكن نعمل الوان مختلفة
7- و ممكن نخيطه زى كده
ايه رأيكوا نتعلم ازاى نعمل المقلمة اللى عليها قلوب دى ؟
1-هنجيب اى كيس و نقص الايدين بتاعته زى ماتفقنا
2-و كمان نقص الجزء المقفول من تحت
3-و نفرده بالشكل ده (هيبقى طبقتين)
4-و نجيب كمان كيس و نقصه بنفس الطريقة و كده هيبقى عندنا اربع طبقات
5-هنحطهم على بعض بين طبقتين ورق و نكويهم عشان نحصل على طبقة واحدة ولازم تبقى سادة من ناحية
6-هنجيب اجزاء من اى اكياس ملونة
7-و نطبق جزء منهم نصين و نقص منه نص قلب
8-هنفتحه نلاقى عندنا قلب زى ده
9-نعمل قلوب كتير باحجام و الوان مختلفة
10-و نرصهم بالشكل اللى يعجبنا على المشمع اللى عملناه و نغطيهم بالورق و نكويهم
11-هنخيط السوستة و نقفل الجناب و كده يبقى عندنا مقلمة
ممكن تصممى انتى رسمة و تقصيها من الاكياس الملونة زى ماعملنا فى القلوب اللى كانت عالمقلمة
و تكويها على تيشرت زى كده
او على شورت زى كده
بس من تجربتى لقيت ان مش كل انواع الاكياس البلاستيك بتسيح و تلزق بنفس الدرجة
و لقيت ان الحل هو انى فى الاخر خالص اكوى فوق الرسمة طبقة من البلاستيك الشفاف
زى اللى بيبقى معمول منه الاكياس اللى بتيجى فيها الهدوم من عند التنضيف الجاف
و دى فعلا بتثبت الرسمة تماما و مابتتقشرش
توضيح:
1-الورق مش بيتحرق لما نكويه لاننا مش هنثبت المكوى فى مكان واحد
احنا بنحرك ايدنا بالمكوى زى مابنكوى اى حاجة قماش
انا استخدمت الورق بتاع الستيكرات او الورق بتاع جلاد الكتب اللى بيلزق لانه املس
لكن فى ناس قالولى انهم استخدموا ورق من سكتش رسم و برضه نفع معاهم ومالزقش
على العموم هتجربى تشيلى الورق بالراحة و هو سخن لو مانفعش سيبيه يبرد الاول
و لو مانفعش مش مشكلة برضه لان اى بقايا ورق مش هتتقشر ممكن تبوشيها بشوية ماية
2-الاكياس مش كلها معمولة من نفس الخامة
فى بلاستيك لما بيسيح بيدوب و بيتغلغل جوة النسيج و بيمسك
و فى نوع يادوب بيتكرمش و مش بيمسك فى القماش
انا لقيت ان افضل نوع هو اللى بيمط معاكى لما تشديه بصوابعك
3- انا بانصح اننا نجرب الاول على قماشة قديمة قبل مانعمل اى حاجة عالتيشرت
لحد مانوصل لايه انواع الاكياس اللى بتنفع مع القماش
و لو لقيتوا نوع بيمسك بس نص نص ممكن برضه تستعملوه لكن ماتنسوش تثبتوه بالطبقة الشفافة اللى قلت عليها
اللى هى اكياس التنضيف الجاف
بعد ماتخلصى كوى الرسمة خالص
هتقصى جزء من الكيس الشفاف يغطى الرسمة كلها و تحطيه فوقها و عليها الورقة و تكويها
ده ان شاء الله هيثبتها و يحميها
4-درجة حرارة المكوى هتبقى على 4
بس متهيألى ان الحرارة بتفرق من مكوى للتانية عشان كده برضه مهم انك تجربى الاول لحد ماتوصلى للنتيجة المضبوطة
5-انا ماجربتش اغسل المقلمة بس هم قايلين ان الطباعة بالطريقة دى قابلة للغسل
لكن مانصحش طبعا انك تغسلى بماية سخنة او تحطيها فى دورة غسيل طويلة
خلى الغسيل على ايدك احسن لحد ماتطمنى انه مش بيأثر
